ANG AKLAT

Sinulat at unang nalathala sa dekada setenta, ngunit ang mga pangyayari ay waring sa kasalukuyan nagaganap-sa gitna ng kulturang Pilipino, ngunit tinatampukan ng isang anak na dalagang nauna sa kanyang panahon ang kaisipan at pag-uugali, at ng isang inang makaluma at tradisyonal.
"Puwede pa 'yan..."
"Puwedeng ano?"
"Alisin!"
"Ano? Hindi pa isinilang ang aking anak ay gusto na ninyong patayin?"
"Tarantado ka na...magsisilang ka pa ng isang tarantado rin?"
"Nagsisiguro kong hindi...iba akong ina kaysa inyo!"
"Talagang hindi 'ata kita maiintindihan! Hindi ka para sa henerasyon ngayon!"

ANG AWTOR

Si LIWAYWAY A. ARCEO ay nasa ika-57 taon ng kanyang walang-patlang na propesyonal na malikhaing pagsusulat. Nagsimula siyang sumulat ng maikling kuwento noong 1941, nang isang tin-edyer pa lamang, ang ika-3 niyang katha, ang "Uhaw ang Tigang na Lupa" ay nahirang na Pangalawang Pinakamahusay na Kathang Pilipino ng 1943. Isinalin ito sa Ingles (Twayne Publishers, New York, USA, 1974); sa Nihonggo (Imura Enterprises, Tokyo, Japan, 1979). Isa pa niyang obra na isinalin sa Nihonggo (Dandan-sya, Tolyo, Japan, 1990)ay ang nobelang Canal de la Reina (1985)Kabilang sa maraming gawad ni Arceo ang Gawad Doktorado sa Humane Letters, honoris causa, U.P. (1991); ang Gawad CCP sa Sining para sa Literatura (1993); at ang Gawad Palanca (Unang Gantimpala, 1962) sa Banyaga na isinalin sa Ingles (1962), sa Ruso (1967) at sa Bulgaro (1981).